Ku ba ku phail gayee bat shanasai ki
Poet: Parveen Shakir
Ku ba ku phail gayee bat shanasai ki
Usnay khushbu ki tarah Meri pazeerai ki
Kaisay keh dun Keh mujhy chorh diya hai usnay
Bat toh sach hai magar bat hai ruswai ki
Woh kahin bhi Gaya lauta toh mery pas Aya
Bas yeahi bat hai achi mery harjai ki
Tera pehlu tery Dil ki tarah Abad rahy
Tujh pay guzray na qayamat shab tanhai ki
Usnay jalti hui peshani pay jab hath rakha
Rooh Tak agayee taseer masehai ki
Ab bhi barsat ki Raton main badan toot,ta hai
Jag uthti hai ajab khuwahish angrhayi ki
0 Comments
Thanks for your views, we will reply soon.