پرانی آگ پہ روٹی نہیں بناوں گا
Poet: Tehzeeb Hafi
پرانی آگ پہ روٹی نہیں بناوں گا
میں بھیگ جاوں گا چھتری نہیں بناوں گا
اگر خدا نے بنانےکا اختیار دیا
علم بناوں گا برچھی نہیں بناوں گا
فریب دے کے ترا جسم جیت لوں لیکن
میں پیڑ کاٹ کے کشتی نہیں بناوں گا
گلی سے کوئی بھی گزرے تو چونک اٹھتا ہوں
نئے مکان میں کھڑکی نہیں بنائوں گا
میں دشمن سے اگر جنگ جیت بھی جاوں
تو ان کی عورتیں قیدی نہیں بناوں گا
تمہیں پتا تو چلے بے زبان چیز کا دکھ
میں اب چراغ کی لو ہی نہیں بناوں گا
میں ایک فلم بناوں گا اپنے ثروت پر
اور اس میں ریل کی پٹری نہیں بناوں گا
0 Comments
Thanks for your views, we will reply soon.