Rodad-E Muhabbat Kaya Kahiye, Kuch Yad Rahi Kuch Bhool Gaye, Best urdu Ghazal of Saghar Saddiqui

Poet: Saghar Sadique

روداد محبت کیا کہئے کچھ یاد رہی کچھ بھول گئے

دو دن کی مسرت کیا کہیے کچھ یاد رہی کچھ بھول گئے

Rodad-E Muhabbat Kaya Kahiye, Kuch Yad Rahi Kuch Bhool Gaye

Do Din Ki Musarat Kaya Kahiye, Kuch Yad Rahi Kuch Bhool Gaye

جب جام دیا تھا ساقی نے جب دور چلا تھا محفل میں

وہ ہوش کی مدت کیا کہیے کچھ یاد رہی کچھ بھول گئے

Jab Jam Diya Tha Saqi Nay Jab Daor Chala Tha Mehfil Main

Woh Hosh Ki Mudat Kaya Kahiye, Kuch Yad Rahi Kuch Bhool Gaye

اب وقت کے نازک ہونٹوں پر مجروح ترنم رقصاں ہے

بیداد مشیت کیا کہیے کچھ یاد رہی کچھ بھول گیے

Ab Waqt Kay Nazuk Honton Par Majroh Taranum Raqsan Hai

Be-Dad Mushiyat Kaya Kahiye, Kuch Yad Rahi Kuch Bhool Gaye

احساس کے میخانے میں کہاں اب فکرو نظر کی قندیلیں

آلام کی شدت کیا کہیے کچھ یاد رہی کچھ بھول گئے

Ahsas Kay Mekhanay Main Kahan Ab Fikar-O Nazar Ki Qandeelain

Alaam Ki Shidat Kaya Kahiye, Kuch Yad Rahi Kuch Bhool Gaye

کچھ حال کے اندھے ساتھی تھے کچھ ماضی کے عیار سجن

احباب کی چاہت کیا کہیے کچھ یاد رہی کچھ بھول گئے

Kuch Haal Kay Andhay Sathi Thay Kuch Mazi Kay Ayar Sajan

Ahbab Ki Chahat Kaya Kahiye, Kuch Yad Rahi Kuch Bhool Gaye

کانٹوں سے بھرا ہے دامن دل، شبنم سے سلگتی ہیں آنکھیں

پھولوں کی سخاوت کیا کہیے کچھ یاد رہی کچھ بھول گئے

Kanton Say Bhara Hai Daman-E Dill, Shabnam Say Sulagti Hain Ankhain

Pholon Ki Sikhawat Kaya Kahiye, Kuch Yad Rahi Kuch Bhool Gaye

اب اپنی حقیقت بھی ساغر بے ربط کہانی لگتی ہے

دنیا کی حقیقت کیا کہیے کچھ یاد رہی کچھ بھول گئے

Ab Apni Haqeeqat Bhi Saghar Be-Rabt Kahani Lagti Hai

Duniya Ki Haqeeqat Kaya Kahiye, Kuch Yad Rahi Kuch Bhool Gaye