Poet: Amjad Islam Amjad
چہرے پہ میرے زلف کو پھیلاوٗ کسی دن
کیا روز گرجتے ہو برس جاوٗ کسی دن
رازوں کی طرح اترو مرے دل میں کسی شب
دستک پہ مرے ہاتھ کی کھل جاوٗ کسی دن
پیڑوں کی طرح حسن کی بارش میں نہا لوں
بادل کی طرح جھوم کے گھر آوٗ کسی دن
خوشبو کی طرح گزرو مری دل کی گلی سے
پھولوں کی طرح مجھ پہ بکھر جاوٗ کسی دن
گزریں جو میرے گھر سے تو رک جاءیں ستارے
اس طرح میری رات کو چمکاو کسی دن
میں اپنی ہر اک سانس اسی رات کو دے دوں
سر رکھ کے مرے سینے پہ سو جاو کسی دن
Comments
Post a Comment
Thanks for your views, we will reply soon.